उपप्रश्न अ) ज्याने सीडी ऐवजी शिडी लिहिले तो अल्पशिक्षित किंवा अशिक्षित (म्हणा हवं तर) अधिकारी कोण?
उपप्रश्न ब) त्याचं नाव जाहीर करू शकाल काय?
उपप्रश्न क) या अधिका-याची नेमणूकही महाराष्ट्र लोकसेवा आयोगानेच केली होती का?
उपप्रश्न ड) महाराष्ट्र लोकसेवा आयोगाच्या तज्ज्ञाच्या पॅनलवर त्यावेळी कोणकोण होते? वडिलांच्या नावासकट त्या पॅनलवरच्या तज्ज्ञांची नावे आपण देऊ शकाल काय?
प्रश्न २ कलासंचालनालयातले सर्वोच्च अधिकारी म्हणून सदर शिड्यांची यादी आपणाकडे मंजूरीसाठी आली होती का?
उपप्रश्न अ: ती वाचून त्यावर सही करून अंतिम कारवाईसाठी आपण ती पुढे पाठवली होती का?
उपप्रश्न ब: दिवसाच्या कोणत्या प्रहरी आपण त्या यादीवर सही केली होती? वेळ १ ते २४ आकडत्याच द्यावी. म्हणजे सायंकाळी ३ वाजता असेल तर १५:००, सायंकाळी ५ वाजता असेल तर १७.०० वगैरे.
उपप्रश्न क: यादी न वाचताच आपण त्यावर मंजुरीची सही केली असेल तर तसे स्पष्ट करावे(ते ही वेळेसकटच म्हणजे उदाहरणार्थ १ ते २४ वगैरे आकड्यात) त्याच बरोबर आपण तसे का केलेत याचाही खुलासा द्यावा.(खुलासा आटोपशीर भाषेतच असावा. उगाचच पाल्हाळ लावू नये.)
प्रश्न ३ वर विचारलेल्या प्रश्नांप्रमाणे जर वस्तूस्थिती नसेल तर म्हणजे ‘सीडी ऐवजी शिडी’ वगैरे तर मग शिड्या आणि त्याही ऍल्युमिनियमच्या त्याही चार-दोन नव्हे तर चक्क २०-२५ किंवा २५-३० किंवा ३०-४० कलासंचालनालयात आल्या तरी कशा?
उपप्रश्न अ: शिड्या हव्यात अशी मागणी केली तरी कुणी?
उपप्रश्न ब: त्याही एवढ्या मोठ्या संख्येने मागवायची आयडियाची कल्पना कोणाची ?
उपप्रश्न क: ज्याने ही मागणी नोंदवली त्याने ती दिवसाच्या कोणत्या प्रहरी नोंदवली?
उपप्रश्न ड: त्याच्या वरिष्ठाने त्यावर ‘ओके’ची सहीसुद्धा दिवसाच्या कोणत्या प्रहरी दिली?
प्रश्न ४ आता या शिड्यांचं आपण काय करणार आहात?
उपप्रश्न अ: ज्याच्याकडून शिड्या आणल्या त्याला त्या लागलीच परत देता आल्या नसत्या का?
उपप्रश्न ब: त्या शिड्यांऐवजी विद्यार्थ्यांना उपयोगी ठरणारे अन्य साहित्य खरेदी करता आले नसते का?
उपप्रश्न क: ज्याने या शिड्या पुरवल्या त्याने त्या परत घ्यायला नकार दिला काय?
या लेखमालेचा अंतिम भाग वाचा उद्या
No comments:
Post a Comment